Plantun de Prouvènço

Pèr coumpara dos planto d'encò nostre

Alnus cordata & Aquilegia atrata

Alnus cordata

Betulaceae

Noms en français : Aulne à feuilles en coeur, Aulne de Corse.

Descripcioun :
Aquesto verno es un aubre pulèu grand (pòu faire fin qu'à dès mètre d'aut) que se recounèis à si fueio lisco, lusento e en cor à la baso.

Usanço :
La verno-de-Corso es estado emplegado pèr rebousca li valoun. Aquéli fotò vènon d'en bas de Ventour, coustat à l'uba (ravin de la Cavo de Diéu).

Port : Aubre
Taio : Pancaro entresigna
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Alnus
Famiho : Betulaceae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun
Remarco : Planto de rebouscage

Liò : Ribiero
Estànci : Pancaro entresigna
Couroulougi : Pancaro entresigna
Ref. sc. : Alnus cordata (Loisel.) Duby, 1828

Galantino(-negrinello)

Aquilegia atrata

Ranunculaceae

Àutri noum : Aglantino, Gant-de-pastresso, Erbo-de-Nosto-Damo.

Nom en français : Ancolie noirâtre.

Descripcioun :
La galantino-negrinello es uno poulido planto que trachis au nostre subretout en basso mountagno. Pèr la destria de si cousino fau regarda lis estamino dóu dedins que dèvon pas s'acaba en pouncho (un pau redouno-fotò). En mai d'acò aquéstis estamino despasson li petalo de mai de 3 mm. Après li flour soun mai founso e un pau pu pichoto qu'encò de Aquilegia vulgaris. Pensa de coumpara en quichant sus la flècho verdo aqui souto.

Usanço :
Poudèn pensa qu'a li mémi prouprieta que Aquilegia vulgaris.